Knowledge Enrichment Project (જ્ઞાન સંવર્ધન પ્રકલ્પ)

વિદ્યાર્થીઓ અભ્યાસ માટે મોટેભાગે બે થી પાંચ વર્ષ આપણા પરિસરમાં રહે છે. તે દરમિયાન આપણાં માધ્યમિક, ઉચ્ચતર માધ્યમિક, અને કોલેજના વિદ્યાર્થીઓને અમુક વિષયોની પ્રાથમિક અને જરૂરી માહિતી આપીને, વિદ્યાર્થીઓની સમજ બનાવવામાં મદદ કરવી જોઈએ.

હાલ આટલાં મુદ્દાઓ ધ્યાનમાં આવ્યા છે. જેને audio visualના મદદથી, વર્ષ દરમિયાન, અનુકૂળતા પ્રમાણે 1 કલાક કે વધુના sessions ગોઠવીને પ્રસ્તુત કરી શકાય.

આવા વિષયો પર વિદ્યાર્થીઓના જુથો બનાવીને, ચર્ચા - સંવાદ કરાવી શકાય અને પ્રોજેક્ટ બનાવડાવી શકાય. તેના ચાર્ટ, પોસ્ટર્સ, બેનર્સ, ચિત્રો અને વીડિયો ક્લિપ્સ બનાવીને, જુદા જુદા પ્રદર્શન ગોઠવી શકાય, જેમાં વાલીઓ, અધિકારીઓ, આસપાસના શિક્ષકોને જોવા આમંત્રણ આપી શકાય.

મુખ્યત્વે, વ્યક્તિથી સમષ્ટિ અને પ્રકૃતિથી સંસ્કૃતિની સંવાદપૂર્ણ વિકાસયાત્રાનો ખ્યાલ - વિદ્યાર્થીઓને સમજાય તે રીતે, આનંદ આવે તે રીતે, જુદી જુદી વ્યક્તિગત કે સામુહિક પ્રવૃત્તિઓ દ્વારા આપવો એવો મારો હેતુ છે. અંતે તો સંવાદપૂર્ણ સહઅસ્તિત્વ એ આપણા સૌ માટેની અનિવાર્ય આવશ્યકતા છે અને લક્ષ્ય છે.

તેના માટેની લેખિત, વિડીયો, વગેરે સામગ્રી હું તૈયાર કરીશ. ધ્રુવભાઈનો વિશેષ ટેકનિકલ સહયોગ લઈશ. રસ ધરાવતા શિક્ષક મિત્રોને પણ જોડીશ.